(فمان الحـب) يـا أطهـر وأصـدق قلـب حبيتـه

السلآم عليكم ورحمة الله وبركآته

.
.

فمـان الله يـا دانة بحـرٍ ماجابـهـآ غطـــآس
فمـان الله يـا أطهـر وأبيـض قـلـب حبيـتـه

فمـان الله فـي دنيـاً سعيـده كلّـهـا أونــاس
هـذاك الـدرب ينتضـرك وأنـا دربـي تنصّيـتـه

نهايـة دربنـا بـاب(ن) تكاثـر عنـده الـحـرّاس
نهايـة دربنـا لغـز(ن) رمعتـه لكـن أخطيـتـه

نهاية طيب/ في صفحـة وفـا/ وختامهـا نومـاس
وأدوّن قـصـه تجمعـنـا بكتاب (الصدق) سميـتـه

صحيح (أستأذنك) صعبـه ولكـن تتبعـه (لابـاس)
خيالـك داخـل أعماقـي بـدم القـلـب خطّيـتـه

وأنا 00إخترت الفراق المر ورضيت معانق الهوجاس
وخاويـت السهـر والنـوم هاجـرتـه وجافيـتـه

عشانك يابعد عمـري / عشانـك يابعـد هالنـاس
عشانـك يابعـد اهل الريااااااااااض ويابعـد صيته

فديتك00 (زهرةٍ) فاحت وفا/ وإستنعـش النسنـاس
فديتك (مهرةٍ) شوفـه شفـا/ وشلـون لـو جيتـه

فديت (الجمرتين) اللـي يحرسـن لمعـة الألمـاس
فديت (الوجنتين) اللـي يغـار الصبـح مـن ليتـه

فديت الطول مـع خصـرٍ تمايـل ضامـرٍ ميّـاس
فديت الزول لو بوصف تعبـت أوصـف ولا أوفيتـه

فديـت الشامـه و رمـشٍ طويـل وناظـرٍ نعّـاس
وشعـرٍ ضاعـت إيدينـي بسـواده يـوم فلّيـتـه

فديتـك كلّـك ولجلـك حروفـي تتعـب القرطـاس
فديتـك كلّـك وكلّـي مشاعـر لـكـن أزريـتـه

أجل وشلون أترجم لك مشاعـر مـا لهـا مقيـاس
وشاعـر جامـعٍ هـم الليالـي فــي تناهيـتـه

وأنا لامن عشقت أعشق على وضح النقـا نبـراس
بدويٍ لا سمـع طـاري الخيانـه ينتخـي (صيتـه)

ياليتك طيف في بالـي تلاشـي بحضـرة الجـلاس
وقلبـك ماعـرف قلبـي ياقلـبـي آآآآه ياليـتـه

زمن قاسي00بشر أقسى00قلوبٍ مابهـا إحسـاس
زمن حلّـل قتـل طفلـه وطفـلٍ لاهـي إف بيتـه

زمن فيـه الوفـا كلمـه تخـط بأبيـض الكـرّاس
زمـن لـو نـزّل دموعـي يسمعنـي زغاريـتـه

حياتي00دامهـا شـادت بجوفـي مملكـه لليـأس
أبـي تقـري نهايـة درب علـى شانـك تخطّيتـه

خلاص (أستسمحك) برحل كما حـرٍ كفـخ قرنـاس
نصيـت الـدار يـوم الــدار نادتـنـي ولبّيـتـه

بقالك كلمتيـنٍ تحتهـن خـط ومـا بيـن أقـواس
(فمان الحـب) يـا أطهـر وأصـدق قلـب حبيتـه

.
. cheers